Kenê Hevalê Îlan
Makaleler / 19 Mart 2018 Pazartesi Saat 11:04
12 Punto 14 Punto 16 Punto 18 Punto
Li Tirkiyê pêşbirka faşîzmê heye

Erdoxan dibêje faşîstê mezin ez im û Dewlet Bahçelî dibêje, ya tu ji ku derketî? Heta niha hemû kesî behsa faşîstî, nemerdî, bêrûmetiya min dikir ma tu ji kuderê derketî qeşmer!? Xwedê bela xwe bide te êdî te wisa kiriye kes behsa min nake. Hemû kes tê û diçe behsa faşizim, nişatperestî, diktatorî û zayendperestiya te dikin. Hele li vî zalimî binêrin cîhan li himberî xwe ker û lal kiriye. Ne dîn û ne jî îmana wî heye. Lê hemû rojan ew bi xwe behsa dîn û îmanê dike. Ji wî re ji dibêjin mirov, serok, misilman û evdê xwedê! Bila mirovahî hemû rabe û destê xwe dane ser wijdana xwe û bêje, ev ne mirov, ne serok û ne jî misilman e! Ma kesekî ku xwe bixe cihê xwedê, misilmantiya wî li ku dimîne? Her roj fermana mirin û qetilkirina jin û zarokên Kurdan dide. Ger tu tenê bikevî destê dayîkên Kurd wê te bi nînok û diranên xwe parçe parçe bikin. Dema em li dîrokê dinêrin bi qasî rojên qetilkirin û qirkirinê hene li himberî wê rojên serhildan û berxwedanê xwe bi cih kirine û her roja diçe hêjmara van rojên serhildan û berxwedanê zêde dibin. Qedexe cil û bergek din li hiş û bîra mirovan dike. Mirov çendî qedexeyan guhdar bike ewqas kirasê bê nirxî û bê rûmetiyê li qirika mirovan dişide û mirov nikare henase bigire. Ji bo wê jî ger jinan qedexe û înkara faşist û dagirkeran guhdar kiriba ma wê jinan kariba henase bigire û bihêlin henase girtinê, ma wê çavên wê dîtiba berê xwe bide çeper û qadên têkoşîn û berxwedanê. Ronahiya dil û mejiyê Apo xwe li giyana hemû jinan pêçaye û wê ti qedexe û qanûn nikaribin wê ronahiyê vemirînin. Ger tu dixwazî ji mirovbûn, rûmet, keramet û hebûna xwe dûr bikevî wê demê fermo bila hemû qedexe li serê te kom bibin û bibe êsîr û miriyê qedexeyan. Ger bi qasî misqalekê jî wijdan û rûmet di mirov de hebe mirov tenê kêliyekê jî ji nirx û hebûna xwe tawîzan nade. Bila ti kes ne bêje jin û ciwanên Kurdistanê bêdeng in. Helbet tiştekî ew jî dihizirin heye û em ê di rojên pêşiya xwe de van teyîsîn û encaman bibînin. Em ê bersiva herî baş û rast di meydana pêxistana agirê Newrojê de bibînin. Mohleta wan heta agirê Newrozê pêxistin e, ji wê û şûnde ez bawer nakim ku ti hêz û qedexe bikare wan bide sekinandin. Tenê kêmek din em sebir bikin heta li lûtkeya çiyan agirê Newrozê pê dikeve. Bedelê wê çi dibe bila bibe jin û ciwanan nehiştine pêta agirê Newrozê bi qasî kêliyekê jî nizim bibe. Her ku çûye agirê Newrozê li hemû kolan, çeper û lûtkeyekê hatiye bilindkirin. Dema ku sebra me di ser de fûriya wê ti kes nikaribe pêşiya me bigire. Çarenûsa me ne Helepçe, 12’ê Adarê û gelek mînakên wek wê ne. Ger roja îro li hemû welatan jin li ser piyanin ev hêz û vîna berxwedaniya Efrînê ye. Em dibînin hemû jinên ku navê têkoşîna jina Kurd bihîstiye xwedî li berxwedanî û vîna wê derdikeve û berxwedaniya wê berxwedaniya xwe dibîne. Ew jina ku navê têkoşîn û berxwedaniya jina Kurd û Efrînê bihîstiye bêyî ku ti astengî û qanûnên dewletên faşîst û dîktator guhdar bike berê xwe didin qadên serhildan û berxwedanê. Ger bi sedan jin ji nav her cûre bawerî, ziman, çand û axê derdikeve û berê xwe dide çeperên şer û berxwedanê hêvî û jiyanê dibîne. Agirê bedena Mazlûman xwe li dil û mejiyê Avesta û Barînan pêçaye û xwe digihînin kenê Îlan Dara. Ciwanên Kurd ne cil û bergan diyarî dayîka xwe dikin. Bi bedewiya giyana xwe çalakiyê diyarî pîrozî û wateya hebûna dayîka xwe dikin. Îro em di kesayetiya hevalê Îlan Dara de fêrbûn ku jin û ciwanên Kurd giyan û çalakiya xwe diyarî bedewiya dayîkan dikin. Bi fermana diyariya çalakiya hevalê Îlan Dara hat misogerkirin ku wê êdî Helepçe û komkujiya 12’ê Adarê li pêşerojên me zêde nebin. Wê ken û çalakiyên Îlan Dara, Avesta Xabûr û Barîn Kobanê bibe berxwedana bihara gelan. Bila dil û giyana we şad be ken û çalakiya we bû navê berxwedana gelên Kurdistanê.

Bihar Denîz

Navenda Lêkolînên Stratejîk a Kurdistanê

www.lekolin.com - www.lekolin.org - www.lekolin.net – www.lekolin.info -www.navendalekolin.com -http://kursam.org/index.html- http://kursam.net/index.html

Parveke

TAGS(ETIKETLER): Kene  Hevale  Ilan    

Bu Yazıya Henüz Yorum Eklenmemiş.