MIT jin hedef digire !
Kadın / 12 Eylül 2017 Salı Saat 10:46
12 Punto 14 Punto 16 Punto 18 Punto
Di demên dawî de, rêjeya kuştina jin dîsa ber bi jor ve diçe

Dîsa, di  dawiya Tebaxê û destpêka Îlonê li Elmanyayê  dayîka sê zarokan Saray Güven û li Şemrexê Celîle Elalmîş bûne qurbanên hişmendiya zîlamên desthilatdar û kûjerên nediyar. Di herdû bûyeran de hîn jî zelalbûyînek nîne. Lê belê li gorî çavdêriyên yekemîn diyar e ku herdu qûrban bi zanebûn û hemen şêwazî hatine qetil kirin.

Di heman demê de dû kuştinên bi heman rêbazî

Li gor Malbat, derdor û çavkaniyên cudatir, kuştina herdu jinan bi plan û zanistî hatiye kirin. Sedama van kuştinên ku bi şêwazên hovane tên kirin ne diyare. Di mirov de bi dehan cihê pirsan dide avakirin! ‘Çima di heman deman de jin bi heman şêwazî tên qetilkirin ? çima di vê demê de jinên kurd li cihên cuda cuda, lê bi heman şêwazên hovane tên qetilkirin û kûjer nediyar in?

Tîliyên teşkîlatan di van bûyeran de hene

Li gorî çavkaniyên derdor, agahiyên derbarê sûçdarên bi gûman hatiye pêşkêş kirin. Piştî ku li herêma ku Celîle hatiye qetil kirin Hêzen Taybet ên Tirkiyê nobet digirtin, hin lekolînên kûr hatine kirin. Gorî şahidê Xelîl Demîroğlu (Nav hatiye guhertin) beriya qetilkirina Celîle zilamek balkêş li pêy Celîle dimeşiya. Şahîd rave kir : ‘Min digot qey birayê wê ye, loma pey wê digere. Lê pişt re bi rê de telefona wî lêda. Mirov tem fehm nedikir çi digot, lê navê Celîle her derbas dibû.’ Demîroğlu ji wênekêşên pispor sureta zilamê bi gûman veguhezand. Asayîş û hêzên heremî ketine nav tevgera peydakirina kûjer.

Kuştina Saray Guven jî pir şik û gûmanan ava dike ! Saray Guven di heman roja ku redivînin, tê qetil kirin. Wekî bûyera Celîle heman sedem tên gerîn, lê ti şopekî ku dikare bibe sedemekî berçav naxuyê. Lê belê, gorî çavkaniyên ku naxwazin navê xwe bidin, di guftûgoyekî bi riya cihazê, du zilamên ku bi Tirkî diaxiftin bi telefonê bi şêwazekî  remzî qala çalakiyekê dikin. Piştî demekê agahiya kuştina Sarya hate bihîstin, gor xûya dike çalakiya dihate gotin qetilkirina Saray bû. Axaftinên wan herdu zilaman hatine qeyd kirin rûxmê ku deng heye û agahî hatine dayîn jî hê ti şopên van kesan nehatine dîtin. Qaşo hêzên ewlekariyê bi avayeke berfireh li wê qada bûyerê dest bi lêgerînê kirine. 

Di herdu bûyeran de pir tîştên ku nêzî hevdu ne derdikevin holê; herdu jin kurd in û bi awayekî ku hatiye plankirî tên qetil kirin. Li vê derê hêzên cûda, teşkîlatên cuda tê de hene!

MÎT jin dike hedef

Wekî tê zanîn, hijmarek navên payebilindên teşkilata MÎT’ê êdî eşkere bûye û gorî wê jî tiştên ku bi rêya wan hatiye kirin êdî deşîfre bûne. Gorî bûyerên ku beriya wan herdu bûyeran hatine qewimandin, mirov heman liv û tevger dibîne – heman stratejî, heman hedef, heman niyet û heman hişmendî. Bi riya hin çavkaniyan derketiye hole ku tîliya MÎT’ê di nav qetilkirina Saray û Celîlê jî heye. Li gorî vê lêgerînên berfireh tê kirin. Navên ku hatine danîn girêdayî teşkîlatê ne. Çewa ku di qetiama Parîsê de sîxorên weke Ömer Güney zilamê MİTê bû, gor xûya dike ev bûyerên heyî jî bi rêya hemen hêzan hetiye kirin. Di dîroka dewleta Tirk de di bin bûyerên wisa qirêj û hemû kûjerên nediyar de her tim Mîta Tirk derketiye.

Kê çi lêkolîn dike!

Dewleta Tirk dibê em bûyerê lêkolîn dikin. Lê belê di milê her kesê de zelale ku ev bûyer bi rêya çeteyên wan bi xwe hatiyê kirin. Navên ku hatine  danîn yekser girêdayî payebilindên MÎT’ê ne, ev agahî di nava civakê de rê li ber acizbûn û gûmanên mezin vekiriye. Gor xûya dike yê dîsa ev bûyer û sedan bûyerên bi vi şêwazî bên veşartin.  

Koçber Yıldız

Navenda Lêkolînên Stratejîk a Kurdistanê

www.lekolin.com - www.lekolin.org - www.lekolin.net – www.lekolin.info -www.navendalekolin.com -http://kursam.org/index.html- http://kursam.net/index.html

Parveke

TAGS(ETIKETLER): MIT  jin  hedef  digire    

Bu Yazıya Henüz Yorum Eklenmemiş.