Roja 30 Hezîranê Di Dila de Hêvî Afirandiye
Kadın / 09 Temmuz 2011 Cumartesi Saat 14:46
12 Punto 14 Punto 16 Punto 18 Punto
Niha jî dilê min lêdide, naxwaze çend hevokan li ser vê rojê bi berhev bike. Bi rastî jî mirovekî xwedî aram û bi rûmet pê gelek diêşe.

Niha jî dilê min lêdide, naxwaze çend hevokan li ser vê rojê bi berhev bike. Bi rastî jî mirovekî xwedî aram û bi rûmet pê gelek diêşe. Ji bona min pir bi jane. Dibê ku çend hevok têrê nekin. Lê belê ev yeka ji dilê min tê ku ez bi bîrbînim. Destê min diricife. Dilê min bê navber lê didê û hestên min didin ber qîran. Min divya bû ku hemû kes vê kêlîkê wiha bijî, Bihestyarî û aramî. Ez wê nasnakim, lê belê ew bû dosta xewn û pênûsa min ya bêzar.
Li gora min dîrok jî nikare  hesabê vê yek bide. Zîlan şaneyê dîroka xemsar rakir ser piyan û hilbirînekî efsaneyî da afirand di ruhê hemû kesê xwedî rûmet de. Zîlan borana pergala bêbext hilweşand ji kokê wê… Hişmendiya keça delal ji nû ve dîrok da nivîsandin. Û em di wê baweriyê de ne, bi bersivdayîn û girêdana bîranînên şehîdan ku Zîlan di serî de cih digire, me hewl da seyra herkîna dîrokê biguherînin û em bi vî awayî, bighîjin rastiya çalakiya a pêngav û pevçûna awarte ya jiyanê.

Rastiya çalakiya hevala Zîlan cewherê rastiya ku serok Apo qala wê dike ye. Helbet ku serok bi vî awayî çalakiyan napejirîne. Ji ber ku li hemberî kuştina herkesiye. Lê hevala Zîlan serlêdan li riyekî çalekiyê bi vî awayî da. Ji ber ku sebir, tehmûl û kêsa wê ne mabû li hemberî hovitiya ku dijmin bi çav korî bi sermede dihat... Dijmin ew neçarî riyeke wiha kiribû. Zîlan dikarî vê rêkê serlêdan ne ke jî… Lewma dema deng derneket wê jî dev ji hemû jiyana xwe berda û serî li vê dengvedanê kir. Yekemîn car bû ku tiştekî wiha ji aliyê tevgera azadiyê ve di hat li darxistin. Mirov dikarê bêjê ku hayanî dîrok jî nikare ji vêna bawer bike. Zîlan afirandinek ji afrandinê dîrokê ye. Divyaû berya vê çalekiyê gelek tiştên bihatina kirin çêbûbûyan. Dema ku ev bêdengî hate jiyîn Zîlan ne wendabûnek da jiyîn. Dîrokekî wihaye ku neqiş û xêliya wê bi xwînê gelek keçên mîna Zîlan hatiye pê. Weke ku serokê me jî dibêje, di wê wextê de Zîlan vejîn, bawerî û helwesta rawetiyabû ye. Ew birqandina di bîkê çavên wê bi hezaran stêrk veguhestin serê çiyan. Kulîlkên dilên çilmisî ji nû ve avda. Mora 30 Hezîranê ku bi bedena xwe li rûpela dîrokê xist hevala Zîlan bû.

Îroj em li Dersimê ne. Dîsa şeve, Stêr li ezmanan li ser rûyê çikî sayî. Belê tariya şevê û ronahiya stêran deriyê dilê min vekirin. Bi taritiya şevê zîz a veqetîna Zîlan ji bihara azad 30 Hezîranê ye. Roja ku ronahiya tavê ya germ xwe seridand ser dilê bi hezaran kevokên azadiyê, di wê rojê de ji nişkê ve mîna ku tamara dilê bi hezaran mirov biqetîne deng veda. hevala delal, Zîlan û heyecana azadiyê kir kirasê havînê û bi ser bedena xwe de kir. Birqandina di çavên wê yên reş û belek de, dilê mirov perçe perçe dikir. Can û dilê xwe kir diyariya evîna azadiyê.

Zîlan bû rastiya perdeya reş a pergala zilam û dewleta dagirker. Bû helwest û hêrsa azadiyê. Bû helbesta li ser lêvê hozanan û hêviya di dilê evîndarên azadiyê... Lewre Zîlan  erdhejek di çewsandina pergala zîlam de çêkir..

Em dizanin ku çalekiya hevala Zîlan, ne tenê ji bo gelê Kurd, lê her wiha ji bo hemû mirovên ku qala azadiyê dikine. Helbet ku vê çalakiyê ne tenê di dilan de, lê her wiha di dîrokê de jî cihekî girîng girtiye. Serpêhatiyeke xwe ji nû ve afrand. Sîzeke ku ticarî newê ji bîrve kirin. Hertim di dil û mêjiyan de vejînên nû dilevîne. Mirov dikare bêje ku bû barûdek, ticarî ji pozê dagirkeran newê derxistin û her tim bişewtîne.

Ew egîde û dîroke. Hertim roj û nîşane. Nemire ew vejîne. Ronahiye riya raste. Bi doza xwe hertim bawere û da bawerkirin. Bihara hemû dilan azad kir.  Zîlan ronahî kir evîna kurdan û tarîbûn kir gora dijmin.

Nergiz Munzur

Navenda Lêkolînên Stratejîk a Kurdistanê

www.navendalekolin.com www.lekolin.org -www.lekolin.net - www.lekolin.info

Parveke

TAGS(ETIKETLER):  

Bu Yazıya Henüz Yorum Eklenmemiş.